Ósvör í Bolungarvík

Sjóminjasafnið í Ósvör stendur austast í Bolungarvíkinni, niðri við sjóinn. 

Safnið samanstendur af tvöfaldri 19. aldar verbúð, salthúsi, fiskreit og þurrkhjalli.
Á meðal sýningagripa er áraskipið Ölver sem gefur góða mynd af þeim skipum sem
notuð voru til fiskveiða fyrr á öldum. Í safninu eru einnig til sýnis veiðarfæri og ýmis
tæki og tól sem notuð voru við veiðar og fiskverkun á öldum áður.

Safnvörðurinn tekur á móti gestum íklæddur skinnklæðum líkum þeim er íslenskir
sjómenn klæddust áður fyrr og lýsir því sem fyrir augu ber.

Sjá osvor.is