Skíðagöngunámskeið veturinn 2021-22

Ísafjörður er skíðagöngubærinn og ekkert er betra en að koma vestur til okkar til að læra á gönguskíði eða taka næstu skref. 

Hótel Ísafjörður, Hótel Horn

Skíðagöngunámskeið veturinn 2021-2022

 

Ísafjörður er skíðagöngubærinn og ekkert er betra en að koma vestur til okkar til að læra á gönguskíði eða taka næstu skref.

Um er að ræða tvenns konar námskeið. Annars vegar kvennanámskeið þar sem karlpeningurinn er skilinn eftir heima og svo blönduð námskeið þar sem allir leika saman.

Námskeiðin henta jafnt þeim sem eru að stíga sín fyrstu skref og þeim sem eru með áralanga reynslu í sporinu.

Námskeiðinin eru frá fimmtudegi til sunnudags og á þeim tíma tökum við 5-6 tækni og úthaldsæfingar, förum yfir umhirðu skíða og hvernig er að standa á ráslínunni í Fossavatnsgöngunni svo fátt eitt sé nefnt.

Námskeiðin eru getuskipt og taka mið af markmiðum þátttakenda. Einhverjir eru að undirbúa sig fyrir að setja á sig númer og standa á ráslínunni á meðan aðrir ætla að taka því rólega.

 

Ísfirðingar hafa haldið skíðagöngunámskeið í tæp 20 ár og státa af frábærum þjálfurum með reynslu og metnað. Kennt er á skíðagöngusvæðum Ísfirðinga; Seljalandsdal og Tunguskógi.  Við teljum Seljalandsdal besta gönguskíðasvæði á landinu þó við séum örlítið hlutræg.

Helgarnar 27.-30. jan og 3.-6. feb bjóðum við upp á kennslu í skautatækni en til þess að taka þátt í því þarf að vera með þar til gerð skíði og búnað.

 

Innifalið:

Gisting á Hótel Ísafirði - Torg eða Horn í 3 nætur ásamt frábæru morgunverðarhlaðborði

2 x Hádegismatur

3 x kvöldmatur   

5-6 æfingar

Brautargjald

Rúta til og frá flugvelli

Rúta á æfingar

Námskeiðin hefjast á fimmtudagskvöldi og eru búin á hádegi á sunnudegi. Miðað er við að þátttakendur geti tekið seinna flug á fimmtudegi og fyrra flug á sunnudegi.  En auðvitað er líka hægt að keyra vestur til okkar.

Við erum einnig í samstarfi við Fossavatnsgönguna með námskeið sem eru bókanlega á www.fossavatn.is

Verð er 85.500 í tvíbýli og 95.500 kr. einbýli

Staðfestingargjaldið er 20% af heildargjaldi og er óendurkræft nema að námskeið falli niður.  Fullt gjald verður skuldfært viku fyrir námskeið og fæst ekki endurgreitt eftir það nema námskeið falli niður.  

Í vetur eru eftirfarandi námskeið. ATH. að stærri hópar geta bókað sér námskeið á öðrum dagsetningum.

25.-28. nóvember 2021 - Æfingabúðir Fossavatnsgöngunnar www.fossavatn.is

6-9. janúar                 Blandað námskeið - Hótel Ísafjörður 

13.-16. Janúar            Blandað námskeið - Hótel Ísafjörður 

20.-23. janúar             Bara ég og stelpurnar - Hótel Ísafjörður

27.-30. janúar             Blandað námskeið - Hótel Ísafjörður 

3.-6. febrúar               Blandað námskeið - Hótel Ísafjörður 

10. -13. febrúar          Bara ég og stelpurnar - Hótel Ísafjörður 

17. - 20. febrúar -       Æfingabúðir Fossavatnsgöngunnar www.fossavatn.is

3. - 6. mars                 Bara ég og stelpurnar - Hótel Ísafjörður

10. - 13. mars             Bara ég og stelpurnar - Hótel Ísafjörður

17. - 20. mars             Blandað námskeið - Hótel Ísafjörður

24. - 27. mars             Bara ég og stelpurnar - Hótel Ísafjörður

 

Til að bóka gönguskíðanámskeiðið Bara ég og stelpurnar eða blandað námskeið þarf bara að ýta á námskeiðið hér að ofan sem leiðir þig inn á bókunarsíðuna og þar valin dagsetning námskeiðs sem verið er að fara á.  Þá opnast gluggi með öllum gistimöguleikum.  Því næst eru valið hótel og herbergistýpa og þar valin fjöldi í herbergi.  Hægt er að velja um að vera 1, 2 eða 3 í herbergi, ef ætlunin er að hafa þrjá í herbergi þarf að velja "triple room".   Einnig er í boði Deluxe og superior herbergi.  Hægt er að gista bæði á Hótel Torgi og Hótel Horni.

Gott væri ef þið mynduð bæta nafni/nöfnum herbergisfélaga í "special request" reit í bókunarferlinu.  Heildarupphæð verður tekin út af því korti sem sett er með í pöntuninni.  Hægt er að hringja inn aukakort ef greiðsla á að fara fram í tvennu lagi í síma 456-4111.